По „зимскиот сон“ сите едвај чекаме да се покачат температурите и да се појави сонцето. Но, скоковите на температурите како што ги искусуваме моментално, влијаат на здравјето на човекот, па постојано чувствуваме проблеми. Некои од нас патат од главоболки, низок притисок, тахикардија и слично. Како да си помогнеме во овие услови?
Следете ја временската прогноза
Како што секое утро пред да излезете од дома одлучувате што да облечете, така проверувајте ја и прогнозата за истиот ден. Сигурно имате барем 5 минути за тоа. Може утрото да грее сонце, но потоа да врне дожд и да има значително намалување на температурите.
Ако сте една од оние чувствителни на промени кај времето, при првите симптоми на главоболка земете Paracetamol.
Излезете во природа и активирајте се
Кој било облик на физичка активност да го практикувате, ќе го направите организмот стабилен и отпорен на временските промени. Уште подобро, ако физичката активност се одвива во природа и на чист воздух.
Сеедно дали сте се одлучиле за брзо одење или ако сте дел од активниот групен тренинг, активностите во природа ќе ви помогнат да го намалите стресот и подобро да се чувствувате, а со тоа може да ви се намалат шансите за појава на главоболка.
Консумирајте разнолика прехрана полна со витамини
Здравата и правилна прехрана богата со овошје и зеленчук е добар лек за ублажување на негативните последици од времето. Со разновидната прехрана важно е редовно да внесувате и вода, по можност 2-3 литри, во зависност од полот и активностите.
Заменете го кафето со чај од билки
За полесно да се прилагодите на промената во времето може да се опуштите со консумирање на различни билни напитоци. Изберете чај од камилица, нане или лимета, кои помагаат при опуштање на нервите. Освен што ќе уживате во разните мириси на природните чаеви, истите ќе ви помогнат да ги пребродите промените во времето.