Кој ги искусил хемороидите, знае колку се болни, но и досадни. И додека најголем причинител за нивна појава е црвеното вино и зачинетата храна, сепак, одредени навики исто така придонесуваат до појавување.
Кревате тешки предмети
Можеби мислите дека нема да ви биде проблем да го поткренете едниот крај на креветот додека сте во движење, но истото кревање може да предизвика појава на хемороиди.
- Кога кревате тешко, се зголемува притисокот во ректумот, предизвикувајќи ги вените да отечат, објаснува гастроентерологистот Дарен Бренер.
Знаеме дека понекогаш од ова нема бегање, но кога кревате нешто тешко, обидете се тежината да ја насочите кон колената, а не кон грбот и половината.
Преамбициозни сте во теретана
Како што кревањето на тешки предмети може да предизвика создавање на хемороиди, така може и кревањето на тешки тегови да доведе до нивна појава. Секогаш имајте на ум дека треба да кревате тежина прилагодена според вашите способности.
Долго седите на тоалетната шолја
Сите создаваме некоја лоша навика, додека седиме на тоалетната шолја истовремено да сурфаме на интернет од нашиот смарт телефон. И така се забораваме цела вечност на неа. Токму оваа навика им создава стрес на вените на ректумот, кои отекуваат и се создава хемороид.
Бремени сте
Бремените жени искусуваат некои непријатни појави, меѓу кои и хемороидите. За тоа виновен е притисокот во стомакот, кој се проширува до матката, но и хормоналните промени. Токму затоа 35% од бремените жени се соочуваат со овој проблем. Важно е да консумираат повеќе влакна и постојано да пијат вода, за да останат хидратирани.