1) Намалување на ризикот од настинка
Конзистентна рутина со среден интензитет докажано ги спречува настинките. На пример, 40 минутно пешачење 4 пати неделно може да ги намали шансите за настинка за 25 до 50%, или пак да го намали времетраењето на истата.
2) Подобрување на симптомите на депресија без лекови
Студија врз мажи и жени дијагностицирани со депресија кои биле поделени во три групи (една правела програма од аеробни вежби, втората земала антидепресиви, а третата и двете) покажала дека по 4 месеци сите партиципанти имале подеднакво подобрување на нивната состојба, што сугерира дека вежбањето може да е прифатлива замена за антидепресивите. Понатамошна студија врз истите луѓе покажала дека оние кои продолжиле редовно да вежбаат, без разлика на тоа кој третман бил употребен врз нив, имале помали шанси да се навратат кон депресивните епизоди.
3) Намалување на крвниот притисок
Дури и ако имате хипертензија или прехипертензија, вежбањето може да го намали вашиот крвен притисок на побезбедни нивоа преку промена на цврстината на крвните садови, за да крвта може по слободно да циркулира.
4) Превенција од разни видови канцер
Редовното вежбање го намалува ризикот од рак на цревата за 25% - сè што треба е барем прошетка од половина час, 4 пати неделно. Исто така го намалува и ризикот од цревни полипи, рак на дојка, рак на матка и др.
5) Го олеснува запекот
Физичката активност го забрзува протокот на храна низ дигестивниот систем, а кај некои луѓе го олеснува запекот и до 40%.
6) Помага во контрола на дијабетесот
Покрај правилната исхрана, физичката активност е докажан начин за намалување на шеќерот во крвта. Вежбањето ја зголемува чувствителноста на инсулин, за да клетките подобро го користат инсулинот кој што е на располагање за да ја впијат гликозата.
7) Подобрување на сексуалниот живот
Вежбањето предизвикува лачење на ендорфини, кои го подобруваат расположението и го стимулираат лачењето на секс хормоните. Тренинзите исто така го зголемуваат протокот на крв до гениталиите, што го прави сексот повеќе пријатен и за мажите и за жените. Една студија покажала дека мажите кои вежбаат редовно најмалку 20-30 минути дневно, имаат значително помали шанси за еректилна дисфункција.