Во текот на летниот период има огромна појава на муви, кои што особено се појавуваат додека има јадење на маса. И наместо да се плашиме од нив, ние само ги бркаме со рака ако случајно застанат на некоја храна. Но, научниците предупредуваат дека всушност мувите се мошне опасни.
Заканата од мувите е во тоа што предизвикуваат дупло повеќе бактерии. Тие постојано летаат по измети, ѓубре и распаднати мртви животни. Со оглед дека не можат да џвакаат, храната која ја пронаоѓаат на овие одвратни места се растопува во ензими кои ги плукаат, а потоа ги цицаат.
Со други зборови, кога мувата ќе слета во вашата чинија, таа ќе плукне на храната која ја јадете. Освен тоа, на своето тело, помеѓу влакната на нозете, носи бактерии и вируси кои ќе останат на вашата храна.
- Најголемите штети поврзани со обична мува се пренесување на патогени организми (вируси, габички, бактерии, протози и нематоди) Телото на мувата е влакнесто и лесно се задржува нечистотијата по која таа се движи, објаснуваат научниците.