Целта на клима уредите е да ни го олеснат животот преку лето, но и преку зима и да имаме полесен живот поради температурите со кои се соочуваме. Сепак, колку е добра, толку е и лоша, бидејќи промената од топол на ладен воздух може да има страшни последици за вашето здравје.
Кои правила мора да ги почитувате при користење на клима уредот?
Разликата помеѓу надворешната и внатрешната температура не смее да биде многу голема, односно не поголема од 7 до 10 степени. Во спротивно, организмот не може во кратко време да се прилагоди на промените на температурите и можно е да дојде до „шок“ на организмот.
Долготрајното изложување на ладно влијае на работата врз метаболизмот. Циркулацијата е намалена, па и сите други активности во мускулите, крвните садови и нервите се одвиваат забавено.
Најздрав начин да се поминува време во некоја просторија е прво да се разлади, па потоа да се исклучи клима уредот. При излегување на надворешна температура, прво треба да му дозволите на организмот да се привикне, со тоа што ќе ја исклучите неколку минути климата.
Особено внимание треба да обрнете на најмалите, бидејќи времето поминато во климатизирани простории многу лесно може да доведе во воспаление на ушите.
Одржувањето и чистењето на климите е исто така важно. Филтерот низ кои излегува разладениот воздух треба да го чистите барем еднаш годишно, бидејќи влажната и нечиста подлога е идеална за развој на штетни микроорганизми од кои некои може да предизвикаат и воспаление на белите дробови. Во сезона на користење на клима уреди, препорачливо е да го дезинфицирате уредот со соодветно средство.
Клима уредите никогаш не треба да дуваат директно во вас. Исто така, уредите мора да ги поставите на тој начин ништо да не им пречи при протокот на воздух.
Обрнете внимание на тоа колку топлина влегува низ прозорот во текот на денот за поекономично да ја трошите струјата. Тоа е важно затоа што климата се „бори“ со поголемо количество на топол воздух и појако работи, со што и повеќе троши струја. Во зависност од тоа колку е појако сонцето, отворајте ги и затворајте ги прозорците за да не влегува премногу топлина во просторијата.