За подобрување на здравјето не треба само да ги јадеме растенијата, туку и да ги чуваме дома.
Според хортикултуристот,Марк Хачадуријан, растенијата ја подобруваат физичката, но и менталната состојба. Научно е докажано дека разни растенија во канцелариите или домовите помагаат при редуцирање на стресот, покрај тоа што го прочистуваат воздухот и му додаваат кислород.
Еве некои популарни домашни растенија кои се добри за луѓето и како да се грижите за нив:
1) Ѓаволов бршлен (Golden pothos)
Оваа билка, според NASA, отстранува хемикалии како бензен и трихлорометил од воздухот – бензенот го има во лепилото, боите и детерџентите.
Растението е исклучително тешко да се убие, што го прави идеално за хортикултурните почетници, бидејќи преживува и со нерегуларно наводнување и во простории каде има малку светлина.
2) Мирни лилјани ( Peace lilies)
Растението го отстранува бензенот, формалдехидот и останати хемикалии од средствата за чистење, и е една од ретките билки кои можат да цветаат во затворен простор. Потребно е да се постави на индиректна светлина блиску до прозорецот и да се наводнува само кога земјата и е сува.
3) Градинарски хризантеми (Garden mums)
Покрај тоа што не се скапи, го отстрануваат амонијакот, бензенот, формалдехидот и ксиленот од воздухот. За да растат потребна им е силна филтрирана светлина.
4) Англиски бршлен (English ivy)
Англискиот бршлен го филтрира формалдехидот и е најдоброто домашно растение за филтрирање на воздух, особено корисно за луѓе кои се чувствителни на смог.
Најдобро се развива на индиректна светлина и не смее да се остави да се исуши.
5) Папрати (ferns)
Папратите ја зголемуваат влажноста на воздухот, а најдобро растат на индиректна светлина и со постојано влажна земја.
6) Филандендрон (Philodendron)
Ова е декоративна билка која трае долго време, а го апсорбира ксиленот кој го има во разредувачите на боја и бензинот. За да расте, на филадендронот му е потребна сончева светлина и умерена количина на вода.
7) Пајаково растение (Spider plant)
Еден вид на ова ратение наречено Хлоропитум комосум е способно да апсорбира 90% од формалдехидот и јаглерод моноксидот, две хемикалии кои ги има во димот од цигарите. Најдобро расте на индиректна светлина и треба да се наводнува само еднаш неделно.