Резултатите од направените истражувања во врска со тоа како чистењето низ домот влијае врз здравјето на жената се шокантни. Истражувањето се базира на податоците за 6235 жени и мажи чија состојба била потврдена после 20 години.
Според него било резимирано дека чистењето низ дома за жените е штетно колку една испушена кутија цигари. Доста интересен е фактот што кај мажите немало таков ефект, но се претпоставува дека тоа е поради поголемата отпорност која тие ја имаат за разлика од жените.
Испитаниците во текот на истражувањето биле прашани дали ги чистат своите домови и дали работат како чистач/чистачка на други домови. Освен тоа било истражувано и колку често тие користат течни средства за чистење и спрејови.
Се воспоставило дека жените кои чистат дури и еднаш неделно имаат намалување на капацитетот на белите дробови. Иако се очекувало спрејовите да имаат помал ефект од течните средства за чистење резултатите покажале дека не постои разлика помеѓу нив.
Намалената функција на белите дробови била идентична колку испушени 20 цигари на ден, па затоа авторите на истражувањето предупредуваат дека чистењето од страна на жените може да претставува ризик за заболувања на респираторниот систем.
Објаснувајќи го ефектот на хемикалиите од средствата за чистење на белите дробови, истражувачите открија дека дури и ако се појави мало воспаление по чистењето со средства, може да предизвика трајни оштетувања на дишните патишта, а често и тоа е една од причините за појавување на астмата.
За разлика од жените, кај мажите не е пронајдена врска помеѓу чистењето и нивното здравје, а се смета дека најверојатно тоа е поради тоа што нивните бели дробови се помалку чувствителни на влијанието од спрејовите и средствата за чистење.