Нема некој кој на денешно време не консумира храна од конзерва. Брзата подготовка на полуготовата храна која се наоѓа во неа се смета за привилегија и се става пред времето кое би го потрошиле на готвење. Сепак, иако ви изгледа брзо и практично треба да внимавате на начинот на кој конзервираната храна ја подготвувате за нејзино консумирање.
За го намалите количеството сол кое најчесто го содржи храната од конзервата, потребно е истата да ја измиете пред да го готвите јадењето со неа.
Освен внатрешноста на конзервата потребно е да ја измиете и надворешноста за да се заштитите од секаков вид на прашини кои се наталожиле во текот на дистрибуцијата на производот, при допир од потрошувачите за да го увидат составот, а можеби и од ненадеен негов пад од полицата.
Со отворањето на храната бактериите може многу лесно да дојдат од надворешниот дел во внатрешниот. Пожелно е по миењето да ја избришете обвивката на производот со сува крпа како дополнителна превентива.
Оштетените конзерви со храна е пожелно да ги одбегнувате бидејќи постои опасност од преминување на хемикалијата Бисфенол А која се наоѓа во заштитниот дел на конзервата во храната во неа.
Во домаќинството од конзервираната храна постои опасност од труење на организмот предизвикано од бактеријата Clostridium botulinum, а еден од знаците по кои ќе познаете дека оваа бактерија е присутна во конзервата е подуеноста на конзервата која создава звук на шиштење при нејзино отворање.
По отворањето на конзервата преферирајте храната од неа да ја префрлите во стаклен сад кој ќе го чувате во фрижидер.