И по скоро 3000 години, многу витамин Ц, супа од кокошка, како и добар одмор и сон, е најефективниот третман до кој човештвото дошло за лечење на обичната настинка.
Но, наскоро тоа можеби ќе се промени, бидејќи истражувачите од Кралскиот колеџ во Лондон (ICL) развиле нов молекул кој не ги таргетира симптомите на настинка ниту пак самиот вирус, туку влијае на клетките во нашите тела кои не реагираат кога сме настинати.
Настинката е тешка за третирање бидејќи постојат стотици различни вируси кои може да ја предизвикаат и третман кој функционира против еден вирус може да не функционира против друг. Покрај тоа, дури и ако изнајдеме начин за третирање на една нишка вируси, тие може да еволуираат при што третманот повторно станува неефективен.
Затоа, тимот од ICL решил да преземе уникатен пристап кон проблемот. Ако веќе не можеме директно да се соочиме со вирусот, можеби можеме човечкото тело да го направиме непријатно за живот на овие вируси.
Кога вирусот на настинка влегува во телото, го користи човечкиот протеин NMT (N-myristoyltransferase) за да констриура капсид – обвивка која го заштитува и му овозможува да се реплицира.
Тимот од ICL развил молекул наречен IMP-1088 кој комплетно успеал да блокира неколку нишки од риновирусот (најчестата причина за настинката) воопшто да стигне до NMT протеинот.
Бидејќи сите вируси го користат NMT на ист начин, тимот истражувачи очекува IMP-1088 да биде ефективен и врз други вирусни нишки. Досегашните експерименти биле вршени врз човечки клетки во лабораториски услови каде молекулот не покажал несакани ефекти, па така тимот се надева дека наскоро ќе може да почне тестирања врз животни, а потоа и врз луѓе.