Доколку не сте правилно хидрирани, а вежбате, ризикувате дехидрација, грчење на мускулите, недостаток на енергија и други сериозни здравствени проблеми како топлотен удар, особено за време на топлите летни месеци.
Недоволното пиење вода влијае и на атлетските перформанси, особено во кардио вежбите.
1) Пред вежбањето
Потребно е да сте целосно хидрирани еден час пред да започнете со тренингот, бидејќи на водата и е потребно време да стигне во сите делови на телото на кои им е потребна. Најдобар начин да знаете дали сте го постигнале тоа е проверката на бојата и квантитетот на урината. Доколку таа е обемна и проѕирно-жолта, тоа значи дека сте доволно хидрирани.
Количината на вода зависи од фактори како големината и мускулната маса, па така треба да експериментирате додека не утврдите која количина најдобро функционира за вас. Во спротивно, се препорачуваат околу 240-350ml вода 20 минути пред активноста.
2) За време на вежбањето
За време на вежбањето се препорачува пиење на 150ml вода секои 20 минути, дури и повеќе доколку тренингот е интензивен и е претопло.
3) По вежбањето
Доколку сте навистина загрижени за хидратацијата, добро е да се измерите пред и по тренингот. На тој начин ќе знаете точно која количина на вода сте ја изгубиле од телото.
Се препорачува да се пијат најмалку 475ml течности за секоj 0,5kg изгубена тежина по физичката активност.