Истражувачи од истражувачкиот центар Кинан за биомедицинска наука при Сент Мајкл болницата во Торонто откриле дека нивото на важен протеин се зголемува по внесување храна богата со незаситени масти, како маслиновото масло.
Овој протеин може да ја инхибира клучната причина за крварења и кардиоваскуларни болести.
Плазма протеинот кој се зголемува со ваквата храна е наречен Apolipoprotein А-IV, или скратено ApoA-IV. Колку поголема е неговата количина, толку помали се шансите за кардиоваскуларни заболувања бидејќи тој блокира одредени гликопротеини чии рецептори предизвикуваат тромбоцитна агрегација, односно блокирање на протокот на крв што предизвикува тромбоза.
Тромбоцитната агрегација спасува животи бидејќи го запира крварењето кај оштетените крвни садови, но кога ќе се случи истата да блокира доток на крв тоа може да предизвика мозочен или срцев удар, па и смрт.
По секој оброк, тромбоцитите се стимулираат што значи можат полесно да се сврзат меѓусебно, а кога ApoA-IV се зголемува во крвта по јадење на незаситените масти, им ја менува формата и го подобрува крвотокот па така ризикот од срцев и мозочен удар се намалува.
Научниците се надеваат дека идни студии можат да откријат како ова истражување да се искористи за креирање на терапии за разни кардиоваскуларни болести.