Според Др. С. Манџула Џегасоти, извршниот директор и основач на институтот за кожа во Мајами, пиење премногу кафе може да предизвика предвремено збрчкување на кожата и нејзино олабавување.
Иако повеќето студии препорачуваат максимум 3 шолји кафе дневно, таа препорачува не повеќе од 2.
Недоволно спиење кое често е предизвикано од голема количина кофеин внесувана преку цел ден, или блиску до времето на легнување, предизвикува зголемена продукција на маснотии на кожата, која ги затвара порите и предизвикува акни.
За заштита на кожата, важна е умереноста. Кафето инаку е одличен извор на антиоксиданси кои ги таргетираат слободните радикали, а кофеинот во неговата оригинална форма нуди заштита од сонцето и ја подобрува циркулацијата. Како резултат на тоа, многу брендови издаваат продукти за убавина чија една од состојките е токму кофеинот.
Во скорешна студија, било заклучено дека кафето може да има заштитен ефект на оние кои ја имаат болеста на кожа наречена розацеа – хронична состојба која резултира со црвено лице, гнојни израстоци и видливи крвни садови на лицето.