Дали е подобро да се вежба наутро или подоцна во денот е една од најчесто дебатираните фитнес теми.
Реално, не постои „најдобро време“ за вежбање и секое си носи различни придобивки по здравјето. Еве кои се причините и здравствените придобивки од вежбањето рано наутро:
1) Ќе правите подобри и поздрави избори во текот на денот.
Кога денот го започнувате работејќи на своето здравје, ќе се стремите да го одржите тоа ниво на здрав живот и во текот на денот.
Доколку, на пример, вежбате во 8 часот наутро, големи се шансите да не сакате резултатите од него да ги „расипете“ со крофни или некој нездрав појадок. Сите вакви мали одлуки кои ќе ги носите во тек на денот ќе резултираат со подобро здравје.
2) Подобро ќе спиете
Според некои истражувања, оние кои трчале во 7 часот наутро спиеле подолго, имале подлабоки циклуси на спиење и поминувале 75% повеќе време во нај репаративните фази на спиењето (кога се обновуваат мускулите и целиот организам) во споредба со оние кои вежбале подоцна во денот.
3) Ќе имате понизок крвен притисок
Луѓето со хипертензија, т.е висок крвен притисок, често имаат потреба од лекови за да ја контролираат оваа состојба. Но, тука може да помогне и промената на начинот на живот, како што е вежбањето наутро. За потребите на една студија, биле истражувани партиципанти кои вежбале во 3 различни периоди од денот: 7 наутро, 11 наутро и 7 навечер.
Оние кои вежбале порано го редуцирале крвниот притисок по вежбањето за 10%, а оние кои вежбале во 7 наутро спиеле подобро и имале подолги циклуси на спиење.
4) Ќе ви се подобри расположението
Вежбањето ослободува ендорфини, кои се еден вид на природни ублажувачи на болка во телото. Доколку мозокот „плива“ во нив од рано наутро, во текот на денот ќе се чувствувате пооптимистични и помалку подложни на стрес и анксиозност.