Според науката, вистинскиот вид на музика може да ви го подобри вежбањето влијаејќи на кондицијата и перформансите, помагајќи ви повеќе да уживате во тренингот.
Во една канадска студија истражувачите откриле дека кога партиципантите самите одбирале музика која што ја слушале (значи не онаа која свири во теретаната), перформансите и уживањето додека работеле вежби со висок интензитет (HIIT) биле подобрени. Друга студија, пак, открила дека музиката може да помогне со тек на време да се креваат поголеми тежини, а со тоа да се имаат и поголеми придобивки во однос на силата.
За вежби со полесен интензитет како што се џогирањето и други видови на кардио со постојан ритам, музиката предизвикува да се чувствуваме покомфорно и помалку уморно додека вежбаме – со тоа и трчајќи подолго без дополнително да се заморуваме.
Слушањето музика, пак, за време на загревањето и вежбањето може да го намали бројот на отчукувања на срцето, што значи и намалување на притисокот за време на вежбањето.
Конечно, има и испитувања кои покажуваат дека музиката влијае и на стресот на телото по тренингот. Во студија било откриено дека музиката влијае на автономниот нервен систем кој е одговорен за одржување на баланс помеѓу симпатичниот и парасимпатичниот нервен систем и слушањето на одреден вид на музика може да генерира побрзо заздравување и редукција на срцевиот стрес по вежбањето.