Кинезиолошката лента е специјален вид на еластична терапевтска лента која може да се користи за третирање на разни повреди, а истата може да се аплицира на стотици различни начини и да остане на кожата неколку дена.
Оваа лента е различна од обичните спортски летни, бидејќи се развлекува во еден правец (по должината) и служи за подигање на кожата.
Кинезиолошката лента најчесто се користи за третирање на повреди како тендинитис, за намалување на отоците или за подобрување на поддршката на зглобовите по некоја операција.
Многумина веруваат и дека ја подобрува функцијата на мускулите и држењето, доколку се аплицира на одреден начин.
Сè уште се дебатира на кој начин таа го постигнува сето тоа, а единствената работа за која делумно се согласуваат специјалистите е дека ги намалува отоците така што ја подигнува кожата, што овозможува подобра циркулација во таа област.
Повеќето истражувања потврдуваат дека кинезиолошката лента помага за третирање на краткотрајни симптоми и најверојатно нема некој поголем долготраен ефект.
Иако е релативно лесна за аплицирање, се препорачува тоа да го прави трениран професионалец од областа на физикалната терапија или во најмал случај да изгледате видео упатство специфично за вашата индивидуална состојба. Причината за тоа е што постојат специфични места каде да започне, а каде да завршува лентата, во која насока да се влече и колку силно.