Имате лоша и мачна болка во грлото, а од некоја причина не можете да одите на доктор? Обидете се некои од следните домашни рецепти кои гарантирано ќе ви помогнат да го решите проблемот.
Пијте медова вода
Медот има моќ да го спречи размножувањето на бактерии, па токму затоа делува како магичен лек за вашето грло. Во шолја во топла вода растворете две лажици мед и потоа испијте ја течноста.
Гаргара со солена вода
Солта ја извлекува водата од клетките со што ефикасно го намалува отокот и воспалението на грлото. Повторно во шолја топла вода ставете една лажица сол и потоа со оваа течност на секој час правете гаргара на грлото.
Пијте зелен чај
Една студија од 2007-ма година покажува дека земањето зелен чај за време на воспалено грло го подобрува имунолошкиот систем. Ефектот на топол зелен чај врз вашето грло е како лекувачки гел ставен врз воспалено место. Затоа кога ве боли грло во текот на денот пијте што повеќе зелен чај засладен со мед.
Обидете се со оцет од јаболко
Многумина велат дека оцетот од јаболко прави вистински чуда за нивното грло. Помешајте една лажица оцет од јаболко во топла вода и со оваа течност правете гаргара.