Денес е Светскиот ден за борба против СИДА-та, болеста која секоја година одзема милиони човечки животи ширум светот. По тој повод сите оние кои сакаат да дознаат нешто повеќе за СИДА-та, денес од 12 до 16 часот на посебните штандови во Рамстор ќе имаат можност да добијат бесплатни кондоми и црвени панделки. Идејата за оваа едукативна активност е на организациите „Младите можат”, ЕМСА „Млади за љубов“ и „АИЕСЕК”.
По повод Светскиот ден за борба против СИДА-та, тие организираат и забава во клубот "Make Up" ,заедно со Dj Bony Coxy & Dj Misx. За нешто повеќе околу оваа забава која ќе се одржи вечерва можете да дознаете на следниот линк.
Инаку Светскиот ден против СИДА-та е осмислен и прифатен од 140 земји во светот. Во 1988 година Светската Здравствена Организација (СЗО) ја согледа потребата за постоење на еден ваков ден и го прогласи 1-ви декември како Светски ден за сидата - "World AIDS Day". Од тогаш па сè до денес, истиот се одбележува речиси во сите држави во светот.