„Јованче и Марика“, „Црвенкапа“, „Снежана и седумте џуџиња“, „Пепелашка“, сето тоа се бајки со кои пораснале многу генерации деца. Меѓутоа денес многу родители избегнуваат да им ги читаат на своите деца, сметајќи дека содржат премногу страшни и несоодветни описи.
Истражувањето на ТВ каналот „ Watch“ покажало дека секој петти родители несака на своето дете да му ги чита традиционалните бајки барем додека не наполни пет години и претпочита некој посовремен расказ.
Половина од испитаниците рекле дека никогаш не би му го прочитале на своето дете „Црвенкапа“, ниту „Јованче и Марика“ бидејќи би се расплакале од описот на волкот кој ја голта бабата, односно на родителите кои ги напуштаат децата во шумата.
Родителите избегнуваат да читаат и одделни бајки бидејќи ги сметаат за несоодветни. Во оваа категорија спаѓа на пример бајката за „Златокоса и трите мечки“ бидејќи наводно поттикнува на крадење.
За речиси 52 отсто од родителите, „Пепелашка“ не се наоѓа меѓу приказните за добра ноќ, бидејќи во неа се форсира надминатиот имиџ на жена - домаќинка.
Голем дел од испитаниците исто така смета дека терминот џуџе во бајката за „Снежана и седумте џуџиња“ е општествено неприфатлив.
- Возрасните се во состојба да ја разберат невиноста на бајката, но петогодишно дете со бујна фантазија приказната ја сфаќа буквално, изјави за весникот Daily Mail авторот на истражувањето Стив Хорнси.