Главоболка е најчеста болка на модерниот човек која може да биде предизвикана од стрес, замор или преоптовареност на организмот. Неиздржливиот притисок во главата многумина знаат да го олеснат со брзопотезниот спасител, Аспиринот.
А токму главната состојка на спасителските таблети е салицинот кој ги смирува болките, но тој се наоѓа и во познат јаткаст производ. Една шака бадеми претставува природен аспирин, кој пак има подолг ефект, а нема непосакувани реакции.
Главоболката најчесто настанува во задниот дел на главата и предизвикува слаба концентрација, раздразливост и малаксалост. Причините за главоболка најчесто се стрес, напетост, грип, воспаление на синусите или пак дигестивни проблеми. Експертите велат дека оваа незгодна појава треба да ја третираме како симптом, а не како болест.
Поради тоа, тие со последните научни истражувања се обидуваат главоболката да ја лечат со алтернативна медицина, како медитација, туширање, опуштање, но и со храна. Тука откриле дека бадемите и тоа како можат да ни бидат од корист.
Една шака бадеми, односно од 10 до 12 парчиња дневно ја ублажува и ја спречува главоболката, а овој јаткаст плод можете да го јадете сиров, но и оставен во вода преку ноќта, како додаток во оброкот.