Иако веројатно никогаш не сте му обрнале посебно внимание на секретот во вашите уши, истиот може да каже многу за вас. При тоа, не мислиме само на личната хигиена. Постојат и помалку познати теории кои е добро да ги знаете од здравствени причини.
Го спречува јадежот во ушите
Секретот ги одржува ушите влажни, исто како што солзите им даваат влажност на очите, со што се спречува сушењето и појавата на јадеж.
Ја одржува хигиената во ушите
Секретот е комбинација на излачени материи од ушите, мртви клетки од кожата и нечистотии и прашина кои успеале да дојдат во вашите уши. Доколку темелно го чистите секретот од ушите, може да направите поголема штета отколку корист и да го турнете подлабоко во ушниот канал. Секретот воглавно ќе исчезне сам од себе, а експертите советуваат да ги чистите само ако се има толку насобрано што може да го попречи слухот.
Зборува за вашата пот
Некои луѓе имаат влажен, а некои сув секрет. Белиот и влажен секрет говори дека имате недостаток на одредени хемикалии во потта, што доведува и до појава на непријатна миризба на телото.
Стресот влијае на лачењето на секрет во ушите
Жлездите во ушите кои се одговорни за лачење на секрет спаѓаат во апокрините жлезди, а тие се одговорни и за непријатниот мирис на пот. Покрај тоа што поттикнува потење, стресот влијае и на зголемено производство на ушен секрет.
Не користете стапчиња за уши
Експертите препорачуваат доколку морате да ги чистите ушите, тоа да го правите само со топла вода.