Кога ќе се одлучите за процес на губење на килограмите, која помош ја користите? Таблети, пијалаци или препарати, или се потпирате на сопствените сили и дисциплинирано го броите дневниот внес и потрошувачката на калории?
На пазарот е присутна широка палета на производи за слабеење, но дали тие навистина се делотворни?
Производите за губење на килограми едноставно се алати кои ги користиме за да ни помогнат при остварување на саканата цел. Како секој алат, алатот е толку добар колку што му користи на поединецот. Не е важно дали тој алат е дел од опремата, нов програм за фискултура или додаток на исхраната. Една од тие поздрави и подобри стратегии секако би била да се одбере професионален тренер кој би ве насочил и би ви помогнал во избор на вашите алати.
Постојат производи кои помагаат при согорување на вишокот на калории со повеќе вежби, но постојат и производи кои овозможуваат помал внес на калории низ контрола на апетитот и трошењето на калориите. Тие методи можат да делуваат на почеток, но подоцна можат да имаат и непосакувани нуспојави, на пример нервоза од кофеинот. Но, таквите производи не можат да го променат составот на вашето тело ако не го следите дневниот внес на калории за да ослабете. Всушност, најдобро за топењето на прекумерните килограми, е нешто што не можете да го купите – тоа е редуциран внес на калории секој ден додека не дојдете до својата сакана тежина.
Прехраната е темел
Додатоците за слабеење се додатоци на вашата прехрана. Вашиот темел почнува со тоа што го јадете секојдневно. Тоа ќе влијае на вашиот метаболизам кој за возврат ќе влијае на составот на вашето тело. Што се однесува до исхраната, тие можат да ви помогнат, но тие нема трајно да ви помогнат во губењето на килограмите. Тоа привремено е и краткотрајно решение, па поради тоа ако ги земате бидете внимателни и не сметајте на нив. Тие не можат да ги победат нездравите и лошите прехранбени навики.
Некои луѓе тврдат дека производите за губење на масните наслаги се корисни. Истражувањата покажаа дека состојките како што се кофеинот и јохимбата навистина го забрзуваат метаболизмот. Во еден дел поради тоа што на вашиот систем го даваат тој мал енергетски поттик кој ви е потребен. Вториот аргумент е тој дека користењето на додатоците може да го подобри вашиот став кон вежбањето и прехраната, т.е. повеќе да се трудите бидејќи чувствувате дека повеќе може да се направи заедно со тој производ.
Производите за слабеење кои содржат кофеин помагаат да се разбистри главата од магловитост поврзана со диетите со намален внес на јаглехидрати. Во секој случај, треба да појдете на контрола кај вашиот лекар, пред да почнете да користите такви производи.
Предобро за да биде вистинито
Не се лажете. Кога нешто звучи предобро за да е вистинито, често навистина е така. Не сметајте на чуда. Магии нема. До резултати може да доведе само напорна работа, посветеност и здрав избор. Прекумерните килограми ги губиме при согорување на поголем број на калории од тие што сме ги внеле. Ако неделно согоруваме 3500 калории повеќе од што ќе внесеме, можеме да изгубиме 0,5 килограми.
Но, не се работи само за едноставна математика, т.е. собирање на внесените калории и одземање на согорените калории. Исто така е важно и за каков тип на калории се работи, колку ги конзумирате и кога ги внесувате. И тоа е она што игра главна улога при губењето на килограми. Ако сакате да видите резултати, мора да се обврзете на планот и да бидете упорни. Со упорност и трпение можете да ги остварите вашите цели сигурно и ефектно.
Фокусирајте се на мали чекори и цели кои ќе ви помогнат да ја остварите главната цел. Здравјето и фитнесот се животен стил и тука не постојат брзи решенија.