Доаѓа летото, кое со себе си носи разни инсекти. Најдосадни од нив се комарците, кои преку ден се кријат, а навечер ви зујат на ушите. Комарците најчесто ги привлекува облека во темна боја, а ги одбива кора од портокал и лимон. При убоди помага масло од чајно дрво, алое вера и јаболков оцет, бидејќи го олеснуваат чешањето и го намалуваат отокот.
Во борбите со комарците помагаат и корите од портокал и лимон при што мирисот ги одбива. Ниту мравките не се некои љубители на цитрусот, па ако имате некои проблеми со нив ставете кори на места на кои се наоѓаат нивните скривалишта.
Исцедите еден лимон во литар вода и ете ви мирис од кој комарците бегаат. Можете да се намачакате на телото со лимонов сок или да капнете неколку капки во лосионот за тело.
Лукот исто така е еден од најпознатите народни лекови, консумирајте го често и нема да имате проблеми со комарците. Исто така и босилекот се покажа како добар спасител од комарци. Најдобро е да го поставите на прозорците или на вратите и тие нема да влегуваат.
Јаболковиот оцет исто така го ублажува отокот од убодот. Можете на нанесете неколку капки на памук и со него да го протриете местото на убодот. Алкохолниот оцет исто делува, но е поагресивен па не се препорачува бидејќи може да ја иритира кожата.
Ако во вашиот двор имате вода, таму има и многу инсекти. Со цел да го исчистите местото каде што се собираат додадете неколку капки маслиново масло во водата и ќе ги спречите комарците да доаѓаат .