Туширањето е основен дел од хигиената, а во летниот период го практикуваме секој ден. Некои личности сакаат да се тушираат со жешка, а други со млака вода. Секој вид на туширање носи одредени предности за здравјето.
Предности на туширањето со жешка вода
Туширањето со жешка вода може да ги ублажи болките во мускулите. Пуштете ја жешката вода да тече низ вашите рамена, врат и грб со цел да ги ублажите болките од овие делови на телото.
Некои истражувања покажале дека туширањето со жешка вода може да го подобри ослободувањето на окситоцинот и да го намали стресот. Поради тоа, кога сте нервозни, истуширајте се со жешка вода.
Исто така жешката вода може да помогне и во ублажување на симптомите на грип и настинка, како и да ви ја олесни кашлицата.
Предности на туширањето со млака вода
Туширањето со млака вода е добро за телото. Барем 5 минути туширање со млака накај ладна може да ја зголеми енергијата. На тој начин одма ќе ја променете телесната температура, ќе го намалите уморот и ќе ја подобрите концентрацијата.
Истражувањата покажале дека ладната вода од 2 до 3 минути може да ги ублажи и симптомите на депресија.
Туширањето со ладна вода е подобро за вашата коса и кожа, бидејќи топлата вода ја суши кожата, а ладната помага при хидратација и превенција за испукани врвови.