Летното време е идеално да се ослободите од вашите памучни маици и пижами и со самодоверба да уживате во благодатите на спиењето голи. Еве кои се тие:
Емотивно поврзување со партнерот
Во контактот на кожата со кожа се испушта хормонот окситоцин кој го намалува крвниот притисок, ги ублажува последиците на стрес и поттикнува емотивна поврзаност помеѓу партнерите.
Галењето со партнерот помеѓу чаршафите е одлично за продлабочување на вашата врска, а многу е веројатно и да разбуди сексуални страсти, па да доведе до оргазам кој ќе ви загарантира, помеѓу другото, и одличен сон.
Здравје на сексуалните органи
Доколку спиете голи може да го намалите ризикот за венерични инфекции. Иако одредена количина на бактерии е пожелна на интимните делови од телото, претераната количина би можела да го наштети целокупното здравје на организмот. Инфекциите се шират на влажни места, па токму затоа експертите препорачуваат секојдневно да спиете голи на чиста постелнина.
Балансирање на нивото на кортизол
Тешко ќе можете да заспиете доколку ви е топло, а пижамите непријатно ќе ви се лепат за телото и ќе ви создаваат поголема нервоза. Високата температура го нарушува и квалитетот на сонот, со што се зголемува нивото на кортизол во телото. Превисокото ниво на овој хормон дополнително ќе ви го вознемири сонот, ќе го зголеми крвниот притисок и ќе го намали имунитетот на организмот.
Квалитетниот сон подразбира намалена потреба за храна
Недостатокот на квалитетен сон ќе влијае на количината на енергија со која ќе располагате во текот на наредниот ден. Вашето тело ќе се обиде да го компензира тој недостаток преку покачена потреба за калории, односно за масна и слатка храна.
Со мирен сон до беспрекорен изглед
Осумчасовниот непрекинат и мирен сон ќе се одрази и на вашиот изглед. Наместо темни подочници и потечено лице, утрото ќе ве изненади свежата и блескава кожа. Урамнотежената температура на телото при спиење ќе го држи во баланс и нивото на мелатонин, кое влијае на вашиот младешки изглед.
