Повеќето луѓе поминуваат 9 часа дневно седејќи, без да сфатат дека седењето полека станува темпирана бомба за нивното тело. И додека вас ви изгледа толку удобно, верувајте дека откако ќе го прочитате овој текст, веднаш ќе станете.
Седењето е опасно по вашето здравје. Физичката неактивност може да го зголеми ризикот за дебелеење, но и за разни срцеви болести, дијабетес, рак на дебелото црево, проблеми со грбот и со мускулите, тромбоза, болки во коските, депресија и деменција.
Експертите велат дека седењето е новото пушење, односно една темпирана бомба која чека да испука во вистинскиот момент. Светската здравствена организација веќе ја идентификувала физичката неактивност како четврт најголем убиец на планетата, пред дебелината. На пример, во Британија, истражувањата покажуваат дека просечен Британец во седење поминува 8.9 часови секој ден. Можеби седи на работа, во автомобил или пак на креветот пред ТВ. На овие часови додадете 7 часа сон и тоа значи дека не трошиме ни 1/3 од нашето време во стоење!
Како влијае седењето на вашето тело:
- Електричната активност во мускулите на нозете се исклучува
- Калориите се топат 1 во минута
- Ензимите кои помагаат во намалувањето на мастите се намалуваат до 90%
- Добриот холестерол се намалува до 20%
По 24 часа седење:
- Ефективноста на инсулинот се намалува за 24% и се покачува ризикот за дијабетес
- Луѓето кои седат за време на работа имаат два пати поголем ризик за кардиоваскуларна болест, од луѓето кои стојат
И по овие негативни страни на седењето, време е самите да ја направите промената, бидејќи тоа претставува опасност буквално за сите генерации. Поради тоа родителите може почесто да им објаснуваат на своите деца дека е навистина ризично да се седи долго во еден ден. Можете заедно да организирате вежбање, трчање на кеј, теретана, велосипедизам и слични нешта преку кои ќе ја вратите активноста во вашиот живот. Седењето сведете го на минимум, а доколку сте обврзани работно, обидувајте се да станувате што е можно почесто.