Многу луѓе кои ја практикуваат медитацијата тврдат дека тоа духовно опуштање им го има спасено животот и дека на токму неа и’ се заблагодаруваат за целата среќа и здравје во животот. Се плашите дека нема да успеете? Обидете се повторно!
Индискиот спиритуален водач Дипак Чопра Deepak Chopra истакнува дека најважното искуство во животот му било учењето како да медитира, па со помош на оваа техника успева да остане здрав, креативен и среќен.
Доколку сте одлучиле да и’ дадете шанса на медитацијата и да се обидете преку неа да се ослободите од стресот, да го зачувате или повратите психичкото и физичкото здравје, за почеток проучете го овој краток водач во три чекори.
Најдобро време за медитација
Утрото и вечерта се најдобар дел од денот за медитација, бидејќи тогаш вашето тело е во побавен ритам.
- Нашето тело знае како да биде мирно, ние само мора да му ја пружиме таа шанса, вели Дипак.
Доколку можете да медитирате секое утро, поголема е веројатноста дека ќе се држите до одредена рутина. Издвојте една до пет минути (тоа е се што ви треба на почетокот) и брзо ќе ја видите добрата страна. Доколку, пак, не сте утринска личност, не грижете се. Било кое време, во кое ќе посакате да медитирате, е добро време.
Смирување на хаотичните мисли
Најдобриот начин за смирување на безбројните мисли кои постојано ви прелетуваат низ главата за време на медитацијата е едноставно да им дозволите да поминат. Можете да дозволите да ви падне на памет било што, па едноставно набљудувајте ја таа мисла и пуштете ја да си оди. Кога малку ќе ви се разбистри во главата, сосредоточете се на смирувачкиот тек на вашето дишење.
Медитирање во друштво
Медитацијата не е само соло уметност. Поврзувањето со туѓата позитивна и смирувачка енергија е неверојатно моќно. Покрај тоа, после медитацијата ќе чувствувате поповрзано со личноста во друштво на која сте ја извеле оваа техника, па затоа медитирајте со некој со кој би сакале да го зајакнете или негувате односот.