Со пристигнувањето на есента, конечно можеме да започнеме да уживаме и во костените, за многумина омилените есенски плодови.
На нивната миризба која се шири низ градските улици, тешко е да и’ се одолее, но овој плод има многу богата нутритивна и енергетска вредност, заради што особено им се препорачува на децата, спортистите, трудниците и старите лица.
Еве какви здравствени придобивки нуди консумацијата на костените:
Смируваат
Костените се богати со витамините од Б групата, како и витамините А и Ц. Исто така, тие се богати и со минерали, како калиум, фосфор, калциум, магнезиум, сулфур, хлор, бакар, магнезиум, железо и манган.
Содржат витамин Ц
Во споредба со другите јаткасти плодови, костенот се разликува по тоа што има низок процент на масти, а висок процент на скроб – дури двојно повеќе од компирот. Исто така, костенот е единствено јаткасто овошје кое содржи витамин Ц. Како оревите и бадемите, костените не содржат глутен.
Совршени се за трудници
Покрај сите горенаведени состојки, костенот е необично богат со фолна киселина, која обично се наоѓа во зелениот листест зеленчук.
Фолната киселина е неопходна за раст на клетките, синтеза на ДНК и нормално функционирање на нервниот систем. Внесот на храна богата со фолна киселина, ги зголемува шансите за зачнување, а за време на бременоста овозможува правилен развој на фетусот.
Го чуваат срцето
Костенот е богат извор на моно-незаситени масти, како олеинската и палмитинската киселина. Мононезаситените масти го штитат кардиоваскуларниот систем и помагаат во намалување на високото ниво на холестерол.
Ги исфрлаат задржаните течности од организмот
Костените помагаат при проблеми со стомакот и бубрезите, а одлични се и за исфрлање на вишокот вода од организмот. Покрај тоа, делуваат и противвоспалително, па претставуваат идеална намирница за оние кои патат од артритис и реума.
Совети за нивната консумација:
Со оглед на тоа дека костените се тешкосварливи, бидете умерени кога ги консумирате.
Добро е да комбинирате различни начини на подготовка на овие плодови, бидејќи печените костени се побогати со витамини, додека варените повеќе изобилуваат со минерали.