Колку и да се грижиме за хигиената во нашиот дом, во него сепак постојат отрови, кој најчесто доаѓаат од мебелот, растворите за чистење, пластиките, теписите и сл.
Но, не грижете се! Природата е тука за нас, со 5 идеални решенија на овој проблем, кој ни ги нуди во вид на растенија. Следните билки по природен пат ќе го прочистат вашиот дом од сите штетни материи и ќе го наполнат воздухот со кислород:
Фикус
Фикусот е зимзелена билка која потекнува од Индија, а истражувањата покажуваат дека таа е особено добра за отстранување на формалдехидите од воздухот.
Бамбусова палма
Бамбусовата палма е уште една од клучните билки кои го прочистуваат воздуход, која исто така ќе ги држи инсектите подалеку од вашиот дом. Ова растение од воздухот отстранува повеќе штетни материи, како што се бензенот, формалдехидот, хлороформот, јагледор-моноксид и ксиленот.
Бршлен
Овој познат ползавец одлично се прилагодува и во внатрешните услови. Лесно се одгледува и не му е потребна голема светлина. Бршленот, освен за прочистување на воздухот, добар е и за отстранување на алергените како што е мувлата и животинскиот измет. Од воздухот ги елиминира јаглен-моноксидот, формалдехидот и трихлороетиленот.
Ѓаволски бршлен
Ѓаволскиот бршлен може да го насадите во декоративна саксија, а на него потребна му е мала светлина. Доколку пак се наоѓа во средина со повеќе светлина, неговите листовите ќе станат шарени.
Хризантема
Хризантемата е еден од најдобрите цветови за прочистување на воздухот. Таа всушност не е домашно цвеќе, но во такви услови може да трае и до шест недели. Кога ќе се исуши, заменете ја со нова. На хризантемата и е потребна голема светлина, но не директна, како и многу влага. Го прочистува воздухот од формалдехиди, ксилен, бензен и амонијак.