Следниот пат кога ќе посакате да појадувате или пак да ручате на своето работно биро размислете два пати. Дури и да сте едни од оние луѓе кои постојано ги мијат рацете, бактериите и нечистотијата, повторно ќе најдат начин како да дојдат до вас и тоа поради невниманието на другите луѓе.
-Истражувањата покажуваат дека во еден квадратен сантиметар од тастатурата има околу 1000 организми, а на маусот дури 500. Во текот на денот кога ќе одлучите да јадете без миење на рацете, практично ги пренесувате на својата уста, објаснува доктор Лиза Ејклери, од Кралското здружение за јавно здравје на Британија.
Таа предупредува дека ширењето на бактериите се случува и при „ефектот на кивање“ односно пуштање вода во шолјата. Ако не се спушти капакот пред да се пушти водата, бактериите се разлетуваат на оддалеченост од 6 метри, што значи дека доаѓаат во контакт со нашето тело.
Според истражувањата околу 16 проценти од луѓето во себе носат вирус кој предизвикува повраќање и дијареја. Иако може да не покажуваат никакви симптоми и да се чувствуваат совршено, сепак се преносители кои ги разнесуваат микроорганизмите низ целата канцеларија.
Тогаш како да се справиме со проблемот?
по одењето во тоаетот пребришете ја ВЦ школката за да спречите понатамошно ширење на бактериите
20 секунди ефективно миење на рацете е сосема доволно за да ги отстраните микроогранизмите
по миењето секогаш добро исушете ги рацете
пред јадење на работното место секогаш користете антибактериски гел за раце