Употребата на пластичните садови во денешно време е мошне широка, но токму поради пластиката, често се случува во нив да се задржи некој специфичен и непријатен мирис. Ви нудиме неколку решенија за како да го отстраните мирисот и конечно повторно да ги употребувате вашите омилени садови.
Измијте ги што е можно побрзо
Првиот чекор при елиминирање на непријатниот мирис е да не чекате пластичните садови да ја впијат миризбата, туку измијте ги што побрзо. Најдобро е да ги измиете со течност за садови и со врела вода, па повторно да ја повторите постапката пред да го употребите следниот пат.
Исплакнете со оцет
Откако ќе го измиете садот со течност за садови, ставете малку оцет и оставете да отстои барем 3 минути. Измијте го оцетот и избришете го садот.
Пред да ги кренете на место ставете им малку сол
Само, нареден пат кога ќе сакате да ги употребите, сетете се да ја измиете солта од садот.
Изложете ги на сончева светлина
Половина час нека потстојат на сончева светлина, која ќе ги елиминира мирисите и ќе ги уништи бројните бактерии.
Употребете сода бикарбона
Веројатно веќе знаете дека содата е одлично средство за чистење и отстранување на миризбата. Промешајте малку вода во сода бикарбона за да направите една паста со која ќе го измиете садот. Оставете да стои најмалку еден ден, а потоа темелно измиете. Повторувајте ја постапката се додека непријатните миризби не се отстранат во целост.