Доколку ве мачи кашлицата и имате потешкотии да го исфрлите секретот, направете ефикасен домашен сируп. Од голема помош ќе ви бидат белиот слез, лененото семе, жалфијата и лимонот.
Бел слез
Потребни состојки:
- една лажица корен од бел слез
- една лажица ленено семе
- една лажица жалфија
- 1 лимон, исечен на ситни парчиња
- 250 мл вода
- 250 гр кафеав шеќер
Ставете ја водата во помал сад, а потоа додадете го кафеавиот шеќер. Кога шеќерот ќе се истопи, додадете ги останатите состојки и варете сè на ниска температура околу 15 минути. Потоа тргнете ја смесата од оган и процедете ја.
Употреба
Земајте по една лажичка од добиениот сируп по три пати на ден. Консумирајте го сè додека не се чувствувате подобро. Сирупот чувајте го во фрижидер.