Доколку ви недостасува витамин Ц, кој е познат сојузник на силниот имунитет, овој напиток ќе го обезбеди вашиот организам со доза која ќе ви биде доволна за дури два дена.
Токму како сите напитоци кои се богати со витамин Ц, и овој содржи портокал, но и неколку намирници кои би можеле да ве изненадат.
Состојки:
- 2 портокали
- 1 цитрон со средна големина
- 1 киви
- ¼ пиперка
- помала шолја кељ
Подготовка:
Излупете ги портокалите и цитронот, но немојте потполно да го отстраните белиот слој под кората, бидејќи и тој содржи важни нутриенти.
Овошјето и зеленчукот исечкајте ги и измиксајте ги во блендер. По желба додадете коцки мраз.
Зошто е толку важен витаминот Ц?
Покрај тоа што витаминот Ц има значајна улога во синтезата на колаген, кој е составен дел на кожата, тетивите, коските, рскавиците, забите и крвните садови, овој важен витамин го зајакнува имунитетот. Тоа го прави идеален сојузник во борбата против инфекции.
За да не остане телото без овој важен витамин, мора да го внесувате во организмот секој ден преку исхраната. Само 100 мл од овој напиток ќе ве осигура со 200 проценти од препорачаната дневна доза на витамин Ц. На здравје!