Судејќи по новата студија, доколку сте во блажена состојба и не можете да ја помирисате храната која до бременоста сте ја обожувале, веројатно носите момче. Според истражувањата на полскиот научник Агнез Зелазниевич, трудниците кои носат момчиња се погадливи во споредба со оние кои носат девојчиња, а тоа се должи на разликата во хормоните.
Колку и да делува бизарно тоа што во време на високо развиена технологија сè уште се обидуваме да го „погодиме“ полот на бебето, многу парови го избегнуваат ултразвукот бидејќи овој начин им е позабавен, тврди д-р Дијана Битнер од Медицинскиот истражувачки центар во Мичиген.
- Сигурно сте слушнале за повеќе начини на кои луѓето се обидуваат да одгатнат дали трудницата носи момче или девојче. Еден од најстарите е оној според кој позицијата на трудничкиот стомак може да го предвиди полот, објаснува д-р Битнер.
Нејзин фаворит, како што вели, е оној според кој треба да земете игла низ која сте вденале конец и да ја обесите над стомакот на мајката. Доколку почне иглата да се движи во насоката на сказалките на часовникот, мајката ќе роди девојче, а доколку се движи спротивно од сказалките на часовникот – момче.
Новата полска студија се покажала како многу прецизна во предвидувањето на полот на бебето. Во истражувањето учествувале 92 трудници, кои редовно пополнувале прашалници во текот на целата бременост. Се воспоставило дека за време на првото и третото тримесечје, оние кои носеле момчиња биле погадливи и имале повеќе мачнини.