Дали знаете дека можете да го пронајдете вашиот рбет на работ од стапалото? Токму тука се проектираат сите проблеми со грбот, а се лоцираат во вид на болни точки. Со масажа на стапалата, се ослободува напнатоста во грбот, се елиминира болката и вкочанетоста. Без разлика дали ве масира некој друг или масажата на стапалата ја изведувате сами, истата е подеднакво ефикасна.
Резултатот од масажата ќе го почувствувате веќе после првиот пат. Покрај тоа, масажата на стапалата не само што е исклучително пријатна, туку е и неверојатно корисна за вашето здравје. Одвојте неколку минути за себе и ќе се чувствувате многу поздраво.
Еве како се спроведува масажата на стапала против болки во грбот:
За почеток, потребно е да го пронајдете „рбетот“ на внатрешната линија на вашето стопало. Седнете на под со скрстени нозе. Земете во рака било кое од стапалата. Линијата помеѓу петицата и палецот на внатрешниот лак на стопалото – тоа е проекцијата на вашиот рбет.
Визуелно поделете ја оваа линија на делови: крстот, половината, градниот и вратниот дел од рбетот. Добро притискајте ја оваа линија во правец од петицата кон палецот. Доколку имате проблеми со грбот, веднаш ќе го пронајдете нивниот одраз. Тие се чувствуваат како болни и задебелени точки. Со блага масажа на овие точки, вие делувате директно на рбетот, па ќе забележите дека болката и напнатоста исчезнуваат.