Грипот и настинките повторно земаа голем замав, а токму во февруари се прогнозира да го достигнат својот максимум. Еден од првите симптоми на грипот е токму болното грло, а вам ви предложуваме да испробате вкусен и здрав природен лек кој може да го направите сами.
За лековитите својства на ѓумбирот и медот сигурно веќе знаете, а доколку во оваа совршена комбинација додадете и уште неколку состојки, ќе добиете неверојатни и вкусни домашни „септолете“ пастили.
Подготовка:
Земете едно тенџерче и во него ставете една шолја шеќер, половина шолја вода, една лажица свеж цеден сок од лимон и една лажица мед.
Медот има одлично антибактериско дејство кое му помага на болното и воспалено грло.
Потоа додадете половина лажична мелен ѓумбир и половина лажичка мелено каранфилче.
Зголемете го оганот сè додека мешавината не зоврие, а потоа добро помешајте.
Тргнете го тенџерчето од рингла и оставете ја смесата малку да се излади, околу 15-20 минути.
Подгответе големо тавче обложено со хартија за печење. Со помош на лажица истурајте го сирупот врз хартијата, да добие вид на пастили, како што е прикажано на видеото подолу.
Кога пастилите ќе се изладат, попрскајте ги со малку шеќер во прав. Вашите домашни „септолете“ се подготвени за употреба.
Погледнете го подетално целиот начин на подготовка прикажан во видеото.