Како што стресот влијае лошо врз здравјето на срцето, така и некои други органи се оштетуваат од силните емоции кои ги имаме. Алтернативната медицина ги поврзува негативното размислување и негативните чувствува со одредени болести.
Овие 5 влијателни чувства може да доведат до проблеми со некои од органите.
Бес
Бесот е силна емоција која е проследена со силна физичка манифестација, како што е порастот на крвниот притисок, а кој може да предизвика главоболка и вртоглавица. Некои студии го поврзуваат бесот со забавената работа на црниот дроб, кој е одговорен и за исфрлање на отровите од телото. Изливот на бес може да предизвика губење на апетитот, проблеми со системот за варење и дијареа.
Шок
Ненадејниот прекин на долгогодишната врска, ненадејната загуба на постојната работа или неочекувана смрт на блиска личност, се исклучително емотивни случувања кои предизвикуваат телесен шок со воочливи последици врз организмот.
Шокот директно е проследен со пораст на адреналинот кој може да го ослабе срцето, а повеќечасовната изложеност доведува до сериозни проблеми во телото. Затоа во екстремните ситуации добро е да се побара и лекарска помош.
Страв
Стравот предизвикува претерана потреба за мокрење, што е основна телесна функција поврзана со работата на бубрезите. Долготрајната изложеност на страв од некоја личност, работи или појави, предизвикува потешкотии кои ќе ја забават работата на овие важни органи.
Тага
Тагувањето доведува до плачење, неправилно дишење и физички замор, а долготрајната изложеност на овие емоции на крајот ја ослабува работата на белите дробови. Кинеското хомеопатско лечење на депресијата, на пример, подразбира стимулација на акупунктурните точки кои се наоѓаат токму во пределот на овој орган.
Грижа
Луѓето кои често се грижат обично имаат проблеми со дигестивниот систем. Негативното размислување може да доведе до дијареа, повраќање и други хронични проблеми со гастроинтестиналниот систем. Некои истражувачи, пак, ја поврзале опсесивната грижа со поголема веројатност од добивање на чир на желудникот, па дури и рак.