Доењето, стареењето и генетиката се само дел од причините зошто градите со текот на времето ги совладува силата на гравитацијата. Нема жена која може ова да го избегне.
Разни фактори над кои немаме влијание предизвикуваат губење на еластичноста и колагенот во градите. Затоа со годините нашите гради повеќе не изгледаат цврсто и заради недостатокот на сврзното ткиво под кожата делуваат виснато.
Но, тоа се случува и заради некои секојдневни навики, на кои би требало да обрнете внимание и да ги избегнувате доколку сакате да имате убави и цврсти гради.
Пушење
Дури ни вашите гради не можат да побегнат од штетниот ефект на пушењето. Цигарите го нарушуваат здравјето на кожата, го намалуваат дотокот на крв на нејзината површина и на тој начин ја остаруваат.
Избегнување на крема за сончање
Изложувањето на кожата на деколтето на штетните сончеви зраци без заштита предизвикува појава на брчки, оштетување и нарушување на производството на колаген, кој придонесува за еластичноста на кожата.
Диета
Постојаното варирање на телесната тежина за 2 до 5 килограми нема да му направи штета на вашето деколте, но големата загуба на тежина и наглото враќање на изгубените килограми може значајно да ги уништи формата и големината на вашите гради, правејќи ги како виснати вреќички.
Секогаш кога губите килограми, ткивото во градите станува „полабаво“ и кожата станува опуштена. Заради тоа градите ја губат цврстината.
Носење погрешен градник
Не смеете на градите да им дозволите да се „движат“ наоколу без вистински градник кој ќе ги држи на место. Важно е да носите градник кој ќе им даде потпора на вашите гради.
Тренинзи со висок интензитет
Експертите воочиле дека репетитивните движења кај вежбите со висок интензитет (брзо трчање, скокање) предизвикуваат распаѓање на колегенот во градите. Затоа во вашите тренинзи воведете вежби кои природно ги зацврстуваат и подигнуваат градите, од кои најлесни се оние со рачни тегчиња.
