Истражувањето од универзитетот Лафбороу во Велика Британија покажало дека возачите, кои внесувале по 25мл вода на час, наместо препорачаните 200мл, прават дупло повеќе грешки од хидрираните возачи. Научниците се почесто предупредуваат дека не внесуваме доволно вода.
Истражувачите забележале дека во март имало голем пораст на бројот на луѓе хоспитализирани поради болки од камен во бубрег. Со забележани 5.063 случаи во 2004 година, во 2014 година таа бројка се зголемила на 11.934 пациенти.
Водата е најосновниот услов за нормално одвивање на метаболичните процеси, па дури и најмал степен на дехидратација предизвикува пречки, истакнале истражувачите од универзитетот Тафтс во Бостон во 2010 година. Тие докажале дека дехидратацијата негативно влијае врз концентрацијата, краткотрајната меморија и координација. По препораките на Европската управа за безбедност на храната, жените би требало да внесуваат 1.6 литри течности дневно, децата 1.3 литри, додека мажите треба да се придржуваат до 2 литри течности.
Ако патите од мигрена избегнувајте ја ладната вода. Сепак, треба да водите сметка да не претерате. Консумирањето поголема количина вода од онаа која нашите бубрези се во состојба да ја обработат предизвикува нарушување на електролитот, кој се карактеризира со намалено ниво на натриум во крвта. Често ова нарушување може да резултира со смрт, што беше случај и со 44-годишниот Ендрју Торнтон, кој за неколку часа испил 10 литри вода со цел да ја намали болката во непцето.