Поради брзото, стресно темпо во кое денес живееме и тоа како е потребно да се смириме со цел да не „губиме“ глава секој пат кога ќе наидеме на препрека во животот.
Со тоа, важно е да се одржува телото здраво и витко, а дисциплината која ги соединува и двете се вика јога!
Многумина велат дека најтешко е да се почне. Но, еднаш кога ќе го направите првиот чекор, се останато веќе тече. Токму така е и со јогата. Најбитно е да почнете со ситни, но правилни чекори.
Додека ги совладувате основите на јогата, треба да знаете дека една од најбитните работи е правилното дишење. Со тоа вие ќе научите и правилно да дишете, а телото ќе ви биде благодарно за тоа што се растегнувате на овој начин.