Жителите од албанскиот град Корча се вознемирени и загрижени откако на станбените згради се појавиле графити со терористички пораки. Засгеа непознати лица со видливо големи букви напишале: ИСИС, Алаху Агбар, Ал Каеда и АК-47.
Граѓаните, кои се плашат јавно да зборуваат, велат дека повеќе радикални верници се жители во населбата каде се и графитите, што уште повеќе ги плаши.
Ова е прв случај на појава на вакви графити во Корча, иако југоисточниот дел на Албанија, каде припаѓа и овој град, се смета за едно од најжешките жаришта, кога станува збор за регрути на Исламска држава.
Како што тврдат албанските медиуми од овој крај на боиштата во Сирија има десетици млади, а дел од нив се таму и убиени.
Инаку од Албанија на тамошните боишта има над 150 лица а до сега потврдена е смртта на петнаесет.