Судири на островот Кос поради изградбата на бегалски центар

Атина, 5 февруари 2016 (МИА) - На грчкиот остров Кос, каде од минатото лето секојдневно пристугнуваат поголем групи бегалци од Сирија и Ирак, денеска дојде до судир меѓу полицијата и локални жители, кои се противат на изградба на центар за регистрација на имигрантите на местото на некогашната веона касарна, објавија атинските медиуми.  

Демонстрантите фрлале со камења врз полицајците, кои возвратиле со солзавец. Како што јави Танјуг, двајца демонстранти се префрлени в болница поради проблеми со дишењето,  

- Ситуацијата тука е сериозна. Се случуваат ужасни работи, изјави заменик-градоначалникот на Кос, Давид Гераскалис, додавајќи дека локалните жителите сакаат бегалците веднаш да бидат пренесувани на копното, стравувајќи дека приливот на имигранти може да го уништи туризмот - главниот извор за приходи на островот.

Очевидци изјавија дека изградбата на центарот не била прекината и покрај протестите. 

Грчките медиуми наведуваат дека на овој остров од утрово се наоѓаат четири полициски одреди од Атина и дека ситуацијата е критична.