Виена сака централно-европска соработка со БалканотВиена, 5 февруари 2016 (МИА) - Министерот за одбрана на Австрија, Ханс Петер Доскоцил сака во рамки на Централно-европската одбранбена соработка (ЦЕДЦ) да поттикне посилно обезбедување на границите долж балканската рута, а на идниот состанок на тоа тело ги повикува Македонија и Србија, јави Танјуг.
Австрија претседава со ЦЕДЦ и во март ќе закаже состанок за тоа прашање.
Во изјава за австриски медиуми, дадена по седницата на министрите за одбрана на ЕУ во Амстердам, Доскоцил рече дека на тој состанок ќе присуствуваат и претставници од Македонија и Србија.
ЦЕДЦ е неформална платформа за поголема соработка во областа на безбедноста и одбраната во која членуваат Австрија, Хрватска, Словенија, Унгарија, Чешка и Словачка.
|