Бозкар: Турција до понеделник ќе ги исполни критериумите на ЕУ за визна либерализација Анкара, 28 април 2016 (МИА) - Турција во понеделник ќе ги исполни критериумите на Европската унија за визна либерализација, изјави за телевизијата НТВ турскиот министер за ЕУ, Волкан Бозкар.
- Се надевам дека во понеделник, на 2 мај, преостантите 10 критериуми ќе бидат синхорнизирани со нормите на ЕУ, рече тој.
„Ние ќе ги исполниме сите критериуми и јас лично се надевам дека на почетокот на јуни прашањето со укинувањето на визите ќе го решиме со земјите од ЕУ на позитивен начин“, додаде министерот, цитиран од ТАСС.
Бозкар уште кажа дека очекува Европската комисија во својот најнов извештај, веќе следната недела, да препорача укинување на визите за Турците кои патуваат во Европа.
|