Врховниот суд на Хрватска го врати на почеток предметот на Бранимир Главаш

Загреб, 28 јули 2016 (МИА) - Врховниот суд на Хрватска денеска одлучи да ја укине пресудата и да го врати на почеток судењето на Бранимир Главаш, со која тој беше осуден на осумгодишна затворска казна поради воени злосторства врз српски цивили, јавија хрватските медиуми. 

Станува збор за случаите „Гаража“ и „Селотејп“ од 1991 година.

Претставници на државното обвинителство побараа построга казна за шестмината осудени, тврдејќи дека судот при одредување на казната не ги земал предвид сите околности. 

Според првостепената пресуда, утврдено е дека Бранимир Главаш бил на врвот на синџирот на командување, прво како неформален, а потоа и како формален заповедник и дека токму тој ги одредувал критериумите за избор и стигматизација на жртвите. 

Одбраната, меѓутоа, тврдела дека во постапката дошло до низа повреди на кривичната постапка и законите, и дека со тоа дошло до погрешна правна квалификација на злостроствата, поради што барале укинување на пресудата и ново судење пред нов суд.