Анкара, 20 септември 2016 (МИА) - Турција ги поддржува плановите за протерување на Исламска држава од сирискиот град Рака, од страна на антиџихадистичката коалиција предводена од САД. изјави турскиот претседател Реџеп Таип Ердоган.
Тој додаде дека Турција нема да дејствува еднострано за ослободување на Рака, но оти ќе се вклучи во операцијата на коалицијата.
Во исто време шефот на турската дипломатија Мевлут Чавушоглу изјави дека сирискиот град Ал Баб, кој се наоѓа на 40 километри јужно од турско-сириската граница, како и Рака, ќе бидат следните цели, кои ќе бидат ослободени од ИД.
Турција подолг период бара создавање на безбедносна зона на границата со Сирија со цел да се протераат борцита на ИД и да се прекине мигрантскиот бран. Но, западните сојузници се уште не го прифаќаат предлогот, истакнувајќи дека тоа бара значителни копнени сили и авиони кои би патролирале над зоната.
Чавушоглу наведе дека европските лидери го поддржуваат предлогот за создавање на безбедносна зона, но оти САД се уште размислуваат.