Русија ја разгледува можноста за враќање на визен режим со Турција

Сочи, 30 септември 2016 (МИА) - Русија ја разгледува можноста за предвремено враќање кон олеснет визен режим со Анкара, првенствено поради високата закана од тероризам во Турција, изјави денеска заменик-министерот за надворешни работи на Русија, Алексеј Мешков, јави ТАСС.

- Засега ја разгледуваме можноста за предвремено враќање кон олеснет вижен режим, додаде Мешков. 

Тој истакна дека нивото на соработка меѓу органите за безбедност и специјалните служби на двете земји засега не може да се означи како позитивно.

- Затоа соодветно ќе биде да се зборува за поедноставување на визниот режим во случај на обезбедување на активна и поефикаска соработка на безбедносните структури на Русија и Турција и намалување на ризиците од тероризам во Турција, рече Мешков.

Тој истакна дека безбедноста на руските граѓани, кои престојуваат во Турција била и ќе остане приоритет за Русија.