Приштина, 22 март 2017 (МИА) - Приштинските медиуми објавија листа со 30 имиња на луѓе од Косово, Македонија и јужна Србија, кои, како што тврдат, организацијата „Око на народот“ планира да ги убие.
„Окото на народот“ е организација која ја презеде одговорноста за неодамнешниот обид за убиство на приштинскиот адвокат и поранешен висок комунистички функционер Азем Власиј.
Освен политички лидери, кои таа организација ги обвинува дека ги издале интетесите на Косово, листата опфаќа и публицисти, опозициски функционери и претставници на медиумите.
Листата денеска ја објави приштинскиот весник „Бота сот“, а претходно таа се најде и на сајтот на „Газета Фјала“.