Тирана,15 јуни 2017(МИА) – Лидерот на албанската опозициска, Демократска партија, Љуљзим Баша, за време на дводневнот престој во САД остварил средба со претседателот Доналд Трамп.
- Изворедно добра средба со претседателот Доналд Трамп. Неговата визија и кауза, се колосален поттик и инспирација за нашето движење за нова Република на граѓаните,со силна економија и безбедно утре за сите Албанци,-напиша Баша на својот профил на фејсбук.
Исто така наведува дека за време на престојот во САД имал средба и разговори и со претставници на администрацијата на Трамп околу нивните политики.
- Само што ја завршив дводневната посета на Соединетите Американски Држави, во текот на „Неделата на Белата куќа за развој на работната сила“, каде беа разгледани и иницијативите на администрација на Трамп за намалување на даноците, стручна обука, практикантска работа и финансирање на студии,-напиша Баша.
Тој искажува “безгранично признание“ за претседателот Трамп и САД за поддршката за Албанија и Албанците.
Поради престојот во САД,Баша ја прекина изборната кампања за престојнте парламентарни избори,што ќе се одржат на 25 јуни.