Лавров: Русија е за стабилен развој на Западен БалканСочи, 18 октомври 2017 (МИА) - Русија е заинтересирана за стабилен развој на Западен Балкан и надминување на постоечките несогласувања во регионот, изјави денеска рускиот министер за надворешни работи Сергеј Лавров на средба со претседателката на Хрватска, Колинда Грабар Китаровиќ. - Ние сме заинтересирани за стабилен развој на Западен Балкан, надминување на внатрешните несогласувања кои се уште се присутни, изјави Лавров, додавајќи дека во „нашиот заеднички континент важно е да се биде отворен за соработка со сите, а не да постапуваме по принципот ’дали си со нас или против нас‘. Се радуваме што Хрватска, рече Лавров, се стреми кон водење мултисекторска надворешна политика. Грабар Китаровиќ во Сочи ќе има средба со рускиот претседател Владимир Путин. Сергеј Лавров посочи дека претседателите на Русија и Хрватска треба да разговараат детално за сето ова, како и за трговските и економските односи.
|