Вархеји: Очекувам чесни избори во Србија

Белград, 29 мај 2020 (МИА) – Еврокомесарот за соседство и проширување Оливер Вархеји изјави дека очекува претстојните парламентарни избори во Србија, закажани за 21 јуни, да бидат фер и ги повика сите политички партии активно да учествуваат.

– Се надевам дека ова ќе бидат чесни избори и дека Србија потоа ќе добие уште посилна влада, која ќе може да ги забрза реформите за да може напредокот да биде уште поголем, изјави Вархеји по потпишувањето на Финансискиот договор за првиот дел од ИПА програмата за Србија за 2020 година.

На прашањето на новинарите што очекува од изборите во Србија, Вархеји кажа дека ниту еден комесар не може да се меша во националните избори, но дека „сè уште има некои прашања што треба да се решат кога станува збор за учество на изборите“.

– Изборите се потврда за демократијата и затоа ги охрабрувам сите активно да учествуваат во нив, кажа еврокомесарот.

Тој зборувајќи преку видео-врска, додаде дека ЕУ ќе и обезбеди поддршка на Србија во форма на надзор и следење на изборите и дека очекува сите правила да бидат почитувани.

ЕУ и утврди на Србија 70 милиони евра неповратни средства во рамки на првиот дел од ИПА програмата за 2020 година, а финансискиот договор за тоа беше потпишан денеска во Белград, во присуство на претседателот Александар Вучиќ.

Фокусот на првиот дел од ИПА програмата за 2020 година се локалниот развој, конкурентноста и вработеноста.

За конкурентност, земјоделство, иновации и рурален развој, издвоени се 30 милиони евра за 450 микропретпријатија, стартапи и организации за поддршка на бизнисот во помалку развиените региони на Србија.

Посебен фокус е ставен на зајакнување на капацитетот за надзор и реакција на заразни болести, по пандемија на коронавирусот, а за тоа, како и за вработување, едукација и социјална заштита издвоени се 25 милиони евра.

Останатите 15 милиони евра од Договорот се за поддршка на Србија во процесот на пристапување во ЕУ и поддршка на српските институции за успешно водење на процесот на евроинтеграциите. об/гт/



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Влегува човек со куче во кафич, седнува на шанк и порачува две чаши виски. Му ги дава шанкерот чашите и овие двајцата ги испиваат. Некоја девојка во кафичот зачудена се приближува...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
1789.- Граѓаните на Париз го освоија злогласниот...
1817.- Во Париз умре Мадам де Стал, француска...
1889.- Во Париз, во присуство на 335 делегати од...
1907.- Кај селото Ракле, Прилепско, на...